MUNDU BERRI BAT GUZTIONTZAT, kantu ta bideoklipak BIZIPOZA elkartea osatzen duten 11 elkarteentzako ekoiztutako lana da, 34 euskal sortzaileekin elkarlanean egina. Bertan 12 abestiz eta 11 bideoklipez osatutako CDa eta DVDa aurkituko dituzue. Honetaz gain, liburuxka formatuan eta elkarteek ilustrazio banarekin, bakoitzaren deskribapena, ipuintxoa eta abestiaren letra topatuko dituzue. Elkarteen eta euskal kultur sortzaileen arteko elkarlana da elkarteen kantu eta bideoklipen proiektuarekin oinarri nagusia. Elkarteek egunerokoan lantzen dituzten gaiak eta haien errealitateari buruzko abestiak eta bideoklipak dira, elkarte bakoitzaren mezua musika, hitza eta irudiaren bidez gizarteratzeko helburu dutenak.
BIZITZA DA GORPUTZA, ASKATASUNA BIHOTZA abestiaren bideoklipa ikusi dezakezue hemen.
Musika: Xabier Zabala Garcia.
Letra: Bihotz Gorospe.
Ahotsak: Yogurinha Borova eta Bihotz Gorospe.
Irudiak: Arena Comunicación audiovisual
Zeinu hizkuntza: Ainhoa Moiua.
