Sexuafektibitate eta nortasun aniztasuna eszenatokira

Aurten ere martxan jarri dugu Harrotasunaren Antzerkia proiektua. Hauek dira helburuak:

Euskal ume eta helduak sexuafektibitate aniztasunak, familia eredu anitzen aukerak eta genero-nortasunari zor diogun begiruneak ekartzen duten aberastasunaz sensibilizatu.
LGTBI kolektiboa ikustarazi, aurreiritziak eta estereotipoak desegiteko asmoz
Haur eta nerabeentzat LGTBI kolektiboaren inguruko erreferente positiboak eskaini.
Helduak eskola arloan diskriminazioa eta bullyinga sahiesteko beharrezkoa den jarrera proaktiboaz kontzientziatu.
Euskal Herriko biztanlegoari arlo honetan lanean gauden profesional eta elkarteei buruzko informazioa eta aholkua eskaini.
Hemengo gazteek sexuafektibitate anitzaren, familia mota anitzen, eta transexualitatearen inguruan duten jarrera aztertu eta informazioa lortu.
Beraien orientazio sexuala edo genero-nortasunagatik errefuxiatuak diren pertsoen errealitatea aditzera eman.
Antzerkia arte eszenikoak arlo honi buruzko hezkuntza-baliabide moduan erabili

Lau antzezlan dira, bi haurrei zuzendutakoak, beste bat nerabeentzat, eta azkena ikusle helduentzat egokia dena.

Hizkuntzari dagokionez, bi elebidunak dira, bai euskaraz bai gaztelaniaz antzeztu daitezkenak, hirugarren bat mimikaren bidez antzezten da, eta heldueei zuzendutakoa gaztelaniaz antzeztu daiteke soilik.

Era berean, saio bakoitzean hitzaldi txiki bat egin nahiko genuke, gure lanaren helburuak , familia-eredu eta sexuafektibitate anitzen errealitatea azalduz eta gure lana gaurko euskal gizartean beharrezkoa izatearen zergatiak argitzeko.

PROIEKTUAN ANTZEZTEN DIREN LANAK

EGITARAUA – PROGRAMA